Къадер денъишмей

Категория: Джума хутбеси Просмотров: 2811

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Къудретли олгъан ве эр шейни яраткъан Аллаhкъа хамд олсун. Ортагъы олмагъан, ич кимсеге ве ич бир шейге ошамагъан, шекильге ве мекянгъа мухтадж олмагъан ве эр шейни эшиткен ве бильген Екяне Яратыджымызгъа хамду сеналар олсун.

Бизим Пейгъамберимизге ве башкъа бутюн Пейгъамберлерге салят ве селямлар олсун.

Шеhадет этем ки, Аллаhтан башкъа иляh екъ ве шеhадет этем ки, Мухаммад Аллаhнынъ Ресулюдыр.

Аллаhнынъ къуллары! Такъвалы олунъыз ве билинъиз ки, бу омюр кечиджидир. Дженнетке киргенлер къуванаджакъ ве бахтлы оладжакълар. Джеhэннемге киргенлер исе, кедерленеджеклер ве бахытсыз оладжакълар.

Сайгылы мусульманлар бильгенимиз киби иманнынъ эсасларындан бири – бу Аллаhнынъ эр шейнинъ Яратыджысы олгъанына ве яратылгъан эршейнинъ озь къадери иле яратылгъанына инанмакътыр.

Имам Муслиминъ ривает эткен бир Хадис-и Шерефинъде шойле анълатыла:

Джибра`иль, ʻалейhиссалям Пейгъамберимиз Мухаммад ʻалейhиссалямнынъ янына келип Иман акъкъында соргъанда. Пейгъамбер онъа бойле джевап берди:

الإِيْمَانُ أَنْ تُؤْمِنَ بِاللهِ وَمَلَائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ وَتُؤْمِنَ بِالْقَدَرِ خَيْرِهِ وَشَرِهِ رواه مسلم

Манасы: «Иман – бу Аллаhкъа, Онынъ Мелеклерине, Китапларына, Ресуллерине, Къыямет кунюне ве эм яхшылыкънынъ эм яманлыкънын Аллаhнынъ такъдири иле олгънына инанмакътыр».

Пейгъамбер Мухаммад ʻалейhиссалям Иманнынъ алты шартыны анълатты ве хатырлатты ки, олгъан эршейнинъ (яни эм яхшылыкъ эм де яманлыкъ) Аллаhнынъ Эбедий Ирадеси иле ола. Алемде эр шей Аллаhнынъ Ирадесинен ола – инсанларнен не багълы олса: эйилик я да яманлыкъ, хасталыкъ я да сагълыкъ, фукъарелик я да зенгинлик. Эр шей Аллаhнынъ истегинен, Онынъ Эбедий Ирадесинен ве Мукъаддеринен ола. Эгер Аллаhу Та‘аля бир шейнининъ олмасыны такъдирлеген исе, бу мытлакъа оладжакътыр, сайгъылы мусульманлар, чункю Аллаhын Ирадеси денъишмей.

Пейгъамберимиз Мухаммад ‘алейhиссалям бир Хадис-и Шерефинъде шойле деди:

وَاعْلَمْ أَنَّ الْأُمَّةَ لَوِ اجْتَمَعَتْ عَلَى أَنْ يَنْفَعُوكَ بِشَىْءٍ لَمْ يَنْفَعُوكَ إِلَّا ِبشَىْءٍ قَدْ كَتَبَهُ اللهُ لَكَ، وَلَوِ اجْتَمَعُوا عَلَى أَنْ يَضُرُّوكَ ِبشَىْءٍ لَمْ يَضُرُّوكَ إِلَّا ِبشَىْءٍ قَدْ كَتَبَهُ اللهُ عَلَيْكَ

Манасы: «Биль ки, эгер бутюн яратыкълар бирлешип, санъа бир файда кетирмеге истеселер, анджакъ Аллаhнынъ къысмет къылдыгъы къадар файдалары токъуныр. Ве эгер бутюн яратыкълар бирлешип, санъа бир зарар кетирмеге истеселер, керчектен де, сенден тек къадеринъде олгъанлар оладжакъ»

Абу Дауд ривает эткенине коре Пейгъамберимиз Мухаммад ‘алейhиссалям озь къызына бойле ибарени огреткен эди:

مَا شَاءَ اللهُ كَانَ  وَمَا لَمْ يَشَأْ لَمْ يَكُنْ

Яни: «Аллаh не истеди – олды, не истемеди – олмады».

Бу мусульманларнынъ итикъатларыны ачыкълай, яни не берильген садакъа, не къылынгъан Намаз, не япылгъан Дуʻа`, неде башкъа бир хайырлы амель къадеримизни – баш язымызны денъиштирмегенини, текрар хатырлатайым чункю эршей Аллаhнынъ Сонъсуз Ирадесинен ола ве Аллаhнынъ Ирадеси денъишмей, сайгъылы мусульманлар.

Белли ки, Пейгъамбер Мухаммад ‘алейhиссалям деди:

سَأَلْتُ رَبِّي أَرْبَعًا فَأَعْطَانِي ثَلَاثًا وَمَنَعَنِي وَاحِدَةً، سَأَلْتُهُ أَنْ لَا يُكفِرَ أَمَّتِي جُمْلَةً فَأَعْطَانِيهَا، وَسَأَلْتُهُ أَنْ لَا يُهْلِكَهُمْ بِمَا أَهْلَكَ بِهِ الْأُمَمَ قَبْلَهُمْ فَأَعْطَانِيهَا، وَسَأَلْتُهُ أَنْ لَا  يُظْهِرَ عَلَيْهِمْ عَدُوًّا مِنْ غَيِرِهِمْ فَيَسْتَأْصِلُهُمْ فَأَعْطَانِيهَا، وَسَأَلْتُهُ أَنْ لَا يَجْعَلَ بَأْسَهُمْ بَيْنَهُمْ فَمَنَعَنِيهَا

Манасы: «Мен Аллаhкъа Дуʻа` этип, дёрт шейни сорадым. Олардан учю берильди, яни: 1) умметим эписи акъикъий ёлдан четлешмесин; 2) меним умметим башкъа умметлер киби бутюнлей ёкъ олмасын; 3) умметимни четтен кельген душман ёкъ этмесин. Дёртунджи исе, яни меним умметимин ичинде душманлыкъ ве ольдурув олмасын деп сорадым, амма бу къабул олмады.»

Бундан анълашыла ки,  базы инсанларнынъ айткъан сёзлери динимизге къарши келе ве бу дайин созлерни айтмагъа олмай. Меселя, бу киби сёзлер: «Эгер манъа фукъарелик, бахытсызлыкъ ве башкъа яманлыкълар такъдир этильген олса, Аллаhым, бойле такъдиримни денъиштир», бу созлерни айтмагъа ве бу шекильде тушунмеге олмай сайгъылы джемат!

Къадерни денъиштирмек ичюн Аллаhкъа Дуʻа` этмек, бу буюк янъылгъыдыр ве инсанны Ислямдан чыкъара. Чюнки Аллаhнынъ Ирадеси Эбедий ве денъишмей.

Къур`анда Гъафир Суресинде, 60 Аетте айтыла:

﴿وَقَالَ رَبُّكُمُ ادْعُونِي أَسْتَجِبْ لَكُمْ﴾

Яни: «Аллаh Онъа Дуʻа` этмеге буюрды ве япкъан дуаларынъызгъа джевап аладжагъымызны бильдирди.»

Бу Аетнинъ манасы шу ки, Аллаhнынъ къуллары Онъа итаатлы олсалар, бунынъ ичюн оларгъа савап олур. Билинъыз ки сайгъылы мусульманлар, япкъан дуʻаныз илля там риджа эткениниз киби олмая биле, амма бельки бу Дуʻа` себебинден Аллаh къулуны ве онынъ якъынларыны шерден къорчалар, я да бу Дуʻа` ичюн алгъан савабы саесинъде Ахиретте къуртулышкъа наиль олур. Мусульман озь истеклеринен бутюнлей сербест олмагъанына инанмакъ керек. Онынъ истеклери Аллаhнынъ Эбедий Ирадесинен алтындадыр.

Мубарек Къур`анда («Ат-Такуир» Суреси, 29 Аети) дениле:

﴿وَمَا تَشَاؤُونَ إِلاَّ أَن يَشَاء اللَّهُ رَبُّ الْعَالَمِينَ﴾

Манасы: «Истегениниз эршей Алемлернинъ Рабби олгъан Аллаhын Эбедий Ирадесининъ алтындадыр.»

Бунен берабер къулнынъ япкъан амеллери онынъ озь истегинен де багълы олгъанына инанмакъ керек. Яни Аллаh къулны (мукалляфны) онынъ япкъан ве озюне сечкен амеллерине коре къыймет кесе. Бундан анълашыла ки, къул - япкъан амеллерини тамамынен насыл истесе ойле сече я да япкъанларыны ич сечип оламагъанны айтмагъа олмай. Ислям алимлери бунын акъкъында бойле дедилер: «Къул озь ирадесиненъ, Аллаh тарафынъдан онынъ ичун белирленген къадери догърултысында амеллерини япа.» Бойле амеллерге биз эдинген, къазанылгъан амеллер деп айтамыз.

Аллаh Къур`анда («Аль-Бакъара» Суреси, 286 Аети) буюра:

﴿لَهَا مَا كَسَبَتْ وَعَلَيْهَا مَا اكْتَسَبَتْ﴾

Манасы: «Къул, эдинген хайырлары ичун мюкяфатынъы аладжакъ, эдинген ярамайлыкълары ичун исе джевап береджек.

Сайгъылы дин къардашларым! Мусульманлар бу итикъаткъа къавий бир шекильде багъланмакъ кереклер. Чюнки бу итикъат бутюн салих мусульманларнынъ итикъатыдыр. Юдже Аллаh («Аль-Къамар» Суреси, 49 Аети) бойле буюрды:

﴿إِنَّا كُلَّ شَيْءٍ خَلَقْنَاهُ بِقَدَرٍ﴾

Манасы: «Аллаh эр шейнинъ Яратыджысыдыр, ве яратылгъан эр шейни озь такъдир иле (яни къадери иле) яратты».

Аллаh джюмлемизге омюримизни Иман ве ибадетнен кечирмеге, омримизнинъ сонъу кельгенде исе бу дюньяны тёвбе ве Иман иле терк этмеге насип эйлесин. Аллаhу Та‘аля эпимизни багъышласынъ ве Дженнетке азапсыз кирмеге къысмет эйлесин.

 هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات