Центральное духовное управление мусульман - Таврический муфтият - Ораза туткъаннынъ базы шартлары

Ораза туткъаннынъ базы шартлары

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Екяне Яратыджыгъа, Къудретли, эр шейни яраткъан Аллаhкъа хамд олсун. Мусульманлардан кимге истесе, Озь Рахметинен гунахларыны афу эте. Ортагъы олмагъан, ич кимсеге, ич бир шейге ошамагъан, шекильге мухтадж олмагъан ве эр шейни эшиткен ве бильген Аллаhкъа хамд олсун. Озь Ирадесинен не истесе, оны ярата ве япа. Бизге берген берекети ичюн Аллаhкъа шукюрлер олсун.

Шеhадет этем ки, Аллаhтан башкъа Иляh ёкъ ве шеhадет этем ки, Мухаммад Аллаhнынъ Ресулю. Бизим Пейгъамберимизге ве башкъа эписи Пейгъамберлерге салят ве селям олсун.

Аллаhнынъ къуллары! Эпинъизни такъвалы олмагъа давет этем. Юдже Яратыджынынъ Шари‘атыны кутькенде итаатлы олунъыз. Унутманъыз, сиз не ердесинъиз ве не япасынъыз Аллаh биле. Аллаh айткъан эр сёзюнъизни эшите ве сиз акъкъында эр шейни биле.

Мукялляф олгъанларгъа Шари‘ат боюнджа бутюн ибадетлерининъ шартларыны ве рукюнлерини догъру япмагъа керек. Онынъ ичюн эр кес Яратыджыгъа насыл ибадетлерни догъру этмеге  керек олгъаныны бильмелилер.

Урьметли джемаат! Оразанынъ вакъыты шефакътан кунеш баткъангъа къадар, онынъ ичюн акъыллы ве эргенлик чагъына кельген инсангъа бу эки вакъытны бильмек керек. Оразаны тутмакъ ичюн мутлакъ ниет этмек керек, о юрекнен япыла. Ниетни сеслендирмек лязим дегиль. Бир кунь огюне, кунеш баткъан сонъ ве ораза туткъан куннинъ шефакъкъа къадар, яни бу вакъыт аралыгъында ниет юрегинде пейда олмакъ керек. Рамадан айнынъ эр кунюне айры ниет керек. Эгер бозулгъан оразанынъ къазасыны тутса, ниет мутлакъ олмалы. Алимлернинъ фетвасына коре, оразанынъ толу ниети бойле: «Ниет эттим Аллаh ризасы ичюн бу йылнынъ ярынки оразасыны тутмагъа».

Шефакътан кунеш къонгъангъа къадар емектен, ичмектен эм де бирде-бир колеми олгъан шейлерни (уфакъ биле олса) беденге ачыкъ олгъан бир ерлерге агъыз, бурун (тютюн чекмек) эм де огден ве арттан аврет киби ерлерге кирмектен, аселет къусмакътан, джинсий мунасебетте булунмакътан, мений чыкъармакътан сакъынмакътыр. Эгер инсан эсини ве акъылыны джойды ве бойле алда бутюн кунь олды, я да бир ань къадар тутанакъта (припадок) олды, онынъ оразасы бозула.

Ким унутып (чокъ олса биле) ашаса, я да ичсе оразасы бозулмаз. Агъыз ичиндеки темиз тюкюрикни ютмакъ оразаны бозмаз. Ёлдаки тознынъ я да унны элегенде зерелери я да онъа ошагъан шейлер агъызгъа кирсе, ораза бозулмаз.

Урьметли мусульманлар! Айткъан сёзлеринъизге, амеллеринъизге ве итикъатынъызгъа дикъкъатлы олунъыз. Чюнки базы амеллер, сёзлер ве итикъат мусульманны Исламдан чыкъара. Бойле бир шей олса, бу да оразаны боза.

Эм де эгер инсан мезаретсиз (без уважительной причины) фарз олгъан оразаны бозса, гунах къазана ве Рамадан байрамнынъ биринджи куньден сонъ оразаны бозгъан куньлерини къаза оларакъ тута. Амма ким оразаны мезаретсиз джинсий мунасебетте булунып бозса, гунах къазана ве Рамадан байрамнынъ биринджи куньден сонъ оразаны бозгъан куньлерини къаза оларакъ тута. Ве кеффарет бермек керек – бу бир къулны къуллыкътан бошатмакъ, эки ай бири-бирининъ артындан ораза тутмакъ, буны япып оламаса, 60 мухтадж мискинлерини ашатмакъ керек.

Къур`анда («Аль-Бакъараh» Суреси, 183-184 Аети) бойле буюрыла:

يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ
أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ

Манасы: «Ораза Пейгъамбер Мухаммад ’алейhиссалямнынъ умметинден эвель иман эткенлерге фарз къылындыгъы киби, Пейгъамбер Мухаммаднынъ умметине де фарз къылынды. Такъваллы олунъыз! Бир ай ораза тутунъыз. Эгер биринъиз хаста я да ёлджулыкъта олса, ораза тутмайып, башкъа куньлери тутсын ве ким тедавийленмеген хаста я да къартлыкътан кучьсюз олса, мухтаджларыны ашатсын. Бойле алда олгъанлар озь истегинен оразаны догъру тутып олсалар, олар ичюн бу даа яхшыдыр».

Бу Аетте Рамадан айында ораза тутмакъ фарз олгъаны исбатлана. Онынъ ичюн ким ораза тутмакъны фарз олгъаныны ред этсе, Къур`ангъа къаршы чыкъа ве кяфир ола. Эм де бу Аетте хаста олгъанларгъа, ёлджуларгъа (айры бир усулларнен багълы) оразаны тутмамагъа рухсет бар. Амма тутмагъан куньлерини башкъа вакъытта къаза тутмалы.

Мухтерем динкъардашларым! Локъсалыкътан сонъ я да ай башы олгъан къадынларгъа ораза тутмагъа олмай. Бойле шекильде тутсалар, гунах олур. Олар башкъа куньлерде къаза оразаны туталар. Эм де Ораза байрам куньде ве Къурбан байрамнынъ дёрт куньлеринде оразаны (къаза, нафиль ве суннет) тутмагъа мумкюн дегиль.

Шимди айтылгъан сёзлерге дикъкъатлы олунъыз ве дин илимни огренмеге тырышынъыз, чюнки бир хутбе ичинде оразанен багълы олгъан бутюн меселелерни анълатмагъа чаре ёкъ.

Аллаh туткъан оразаны, ибадетлерни ве ду‘аларны къабул этсин.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات