Къадыр Геджеси

Категория: Джума хутбеси Просмотров: 3241

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد

 

Екяне Яратыджымызгъа, эр шейни яраткъан ве Озь Рахметинен базы мусульманларны афу эткен Юдже Аллаhкъа хамд олсун. Ортагъы олмагъан, шекильге, мекянгъа ве ич кимсеге ве ич бир шейге мухтадж олмагъан Аллаhкъа шукурлер олсyн. Тек бир, башлангъычсыз, сонъсуз ве къусурсыз олгъан Аллаhкъа хамд олсун.

Шеhадет этем, Аллаhтан башкъа Иляh екъ, Онынъ ортагъы екъ ве Мухаммад Аллаhнынъ къулу ве Пейгъамбери. Ресуллерден ве Пейгъамберлерден энъ улу ве шерефли олгъан Мухаммад ‘аляйhиссалям – бютюн онынъ несилине, сахабелерине ве келип кечкен бутюн Пейгъамберлерге солят ве селямлар олсун.

Мухтерем мусульманлар! Сизни эр вакъыт ве эр ерде такъвалы олмагъа давет этем, чюнки Ахиретте къуртулыв елы такъвалыкътан кече.

Юдже Аллаh «Аль-Къадр» Суресинде бизлерге бойле буюрды:

 إِنَّا أَنزَلْنَاهُ فِي لَيْلَةِ الْقَدْرِ

Бу аетнинъ манасы:  "Къур`ан Къадыр Геджесинъде эндирильди.

وَمَا أَدْرَاكَ مَا لَيْلَةُ الْقَدْرِ

Къадыр Геджеси – чокъ эмиетлидир.

لَيْلَةُ الْقَدْرِ خَيْرٌ مِّنْ أَلْفِ شَهْرٍ

Аллаhу Та‘aля бизлерге бильдирди ки:  бу гедже бинъ айдан даа хайырлыдыр.

تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

Мелеклер – бутюн коклерден бизим дюньямызгъа энелер ве, оларнен берабер мелеклерден энъ устюны олгъан Джибриль аляйhиссалям да эне.

سَلامٌ هِيَ حَتَّى مَطْلَعِ الْفَجْرِ

Къадыр геджеси Аллаhнынъ Эвлияларына ве такъвалы мусульманларгъа селяметтир. Къадыр геджесинде танъ агъаргъандже шейтан не зарар кетиребиле не де ярамайлыкъ япабиле".

Сайгъылы мусульманлар, бу суреде Къадыр геджесинде олгъанларыны анълатыла.

Ляйлят Аль-Къадыр – бу энъ мубарек геджедир. Къадыр геджесинъде япылгъан ибадетнинъ къыймети бу гедженинъ олмагъан бинъ айнынъ девамында япылгъан ибадетлерденъ даа юксектир.

Там да бу мубарек геджеде Юдже Аллаh Джибриль аляйhиссалямгъа Ляуху Аль-Махфузъ денильген еринденъ Къур`аннынъ тамамыны алып, Байт Аль-‘Иззаh (биринджи кокте) деген ерге тюшюрмеге эмир этти. Пейгъамберимиз Мухаммад ‘алейhиссалям деди ки, Таврат Рамадъан айнынъ 6-куню, Инджиль – 13-куню, Къур`ан исе 24-кунюнде эндирильген. Бу Хадистен анълашыла ки, Къур`ан-и Кярим – Рамадъан айнынъ 24-де эндирильди ве кунинъ геджеси Ляйлятуль-Къадыр геджеси эди.  Амма бу вакъиа Къадир гедженинъ эр вакъыт Рамадъан айынынъ 24-кунюнде оладжакънынъ анъламгъа кельмий. Эксериетте, Къадыр геджеси Рамадъан айнынъ 27-джи я да 29-джы куньлеринде расткеле.

Пейгъамбер Мухаммад ’алейhиссалям бойле буюрды:

Манасы: «Къадыр геджесини Рамадъаннынъ сонъки 10 кунюнде бекленъиз».

Бу Мубарек гедже эксериетле Рамадъаннынъ сонъ он куньлерде расткеле. Амма башкъа куньлерде де олмасы мумкюн. Сайгъылы мусульманлар, Къадыр гедженинъ кесин оларакъ не вакъыт оладжагъыны тек Аллаhу Та‘аля биле, ве бунынъ бу шекильде олмасы мусульманлар ичун буюк икмет таший. Чюнки мусульманлар бу геджеге растламакъ ве онынъ берекетинъден ве севабынданъ файдаланмакъ ичун бутюн Рамадъан айнынъ девамында чокъча ибадет ве хайырлы амеллерини япмагъа тырышалар.

Бу геджеде япылгъан яхшы амеллернинъ севабы башкъа вакъытларда япылгъан хайырлы амеллернинъ севабына коре даа устюндир. Аллаh бу геджени корьмеге насип эткен инсанлар керчектенде бахтлы инсанлардыр.

Урметли дин къардашларым, дикъатынъызны чекмеге истийим, чункю шимди Къадыр гедженинъ базы аляметлерини анълатмагъа истийим:

Аллаh тарафындан яратылгъан айры бир нурнынъ козетленувы, о нур кунешнинъ, айнынъ я да электрик алетлернинъ сачтыгъы ышыгъына ич бенъземей.

Тереклернинъ рукю япкъанны козетлювы.

Мелеклернинъ сесини дуймагъа ве оларны асыл алда коренювы.

Къадыр геджесинден сонъ, кунешнинъ догъувы башкъа тюрлю ола. Кунеш беяз ола онъа бакъкъанымызда козьлеримизни къамаштырмай.

Къадыр геджесини тюшюнде корьмеге хайырлы бир аляметтир, амма уяныкъ алда Къадыр гедженинъ аляметлерини сейир этмеге эльбет те даа яхышыдыр. Къадыр геджесининъ аляметлерини корьмеге насип олгъанларнынъ япкъан ду‘аларынынъ къабул оладжагъынынъ аляметидир. Эгер инсан Къадыр гедженинъ аляметлерини корьмесе, амма бу геджени ибадетнен кечирген олса, онъа чокъ хайыр, савап ве берекет олур.

Пейгъамберимиз ‘алейhиссалям бойле деди:

Манасы: «Ким Къадыр геджесинде Аллаh ризасы ичюн ибадетлерини иман ве самимиет иле япса, онынъ кечкен бутюн гунахлары афу этилир».

Къадир геджеси къаза, нафиле намазларыны къылувнен, Зикр ве Къурʻан окъувнен кечириле. Намаз къылгъанда Къур`анны чокъча окъунмасы тевсие этиле. Яни намазда узун Къур`ан окъунувы, Къур`анны къыскъа окъуп ама чокъ рекаттан ибарет олгъан намаз окъувынданъ даа яхшыдыр.

Пейгъамберимиз ‘алейhиссалям буюрды, манасы: «Къадыр геджесинде Джибриль иле Мелеклер энип. Аллаhкъа ибадет эткенлерни зиярет этерлер ве кунеш къонгъандан танъ агъаргъандже оларны селямлайып Аллаhтан олар ичун афу сорайлар».

А`иша, Аллаh ондан разы олсун, Пейгъамбер Мухаммад ‘алейhиссалямдан сорады: «Къадыр геджесини корьген инсаннынъ не окъумасы керек?» Пейгъамберимиз бойле джевап берди:

اللهم إنك عفو تحب العفو فاعف عني

Манасы: «Айт: Аллаhым, Сен Багъышлайыджысын, Сен афу этмеге северсин, мени багъышла».

Рамадан айында ве башкъа куньлерде Пейгъамбериз Мухаммад ‘алейhиссалям шу ду‘аны сыкъ сыкъ окъуды:

ربنا آتنا في الدنيا حسنة وفي الآخرة حسنة وقنا عذاب النار

Манасы: «Аллаhым, бизге бу дюньяда ве Ахиретте хайыр бер, ве бизни джеhэннем азабындан къорчала».

Аллаh эпимизге бу мубарек геджени корьмеге насип эйлесинъ. Ве япкъан ибадетлеримизни къабул этип гунахларымызны багъышласын. Амин!

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات