Центральное духовное управление мусульман - Таврический муфтият - Пейгъамберимизнинъ сабыры

Пейгъамберимизнинъ сабыры

 ٱلْحَمْدُ للهِ الْوَاحِدِ الْأَحَد الْفَرْدِ الصَّمَدِ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَد. وَٱلصَّلاةُ وَٱلسَّلامُ عَلَى سَيِّدِنَا مُحَمَّدٍ ٱلصَّادِقِ ٱلْوَعْدِ ٱلأَمِينِ، وَعَلَى إِخْوَانِهِ ٱلنَّبِيِّينَ وَٱلْمُرْسَلِينَ. وَرَضِيَ ٱللَّهُ عَنْ أُمَّهَاتِ ٱلْمُؤْمِنِينَ، وَءَالِ ٱلْبَيْتِ ٱلطَّاهِرِينَ، وَعَنِ ٱلْخُلَفَاءِ ٱلرَّاشِدِينَ أَبِي بَكْرٍ وَعُمَرَ وَعُثْمَانَ وَعَلِيٍّ، وَعَنِ ٱلأَئِمَّةِ ٱلْمُهْتَدِينَ أَبِي حَنِيفَةَ وَمَالِكٍ وَٱلشَّافِعِيِّ وَأَحْمَدَ، وَعَنِ ٱلأَوْلِيَاءِ وَٱلصَّالِحِينَ، أَمَّا بَعْدُ، عِبَادَ ٱللَّهِ فَإِنِّي أُوصِيكُمْ وَنَفْسِي بِتَقْوَى ٱللَّهِ ٱلْعَلِيِّ ٱلْعَظِيمِ. يَقُولُ رَبُّنَا عَزَّ وَجَلَّ:

﴿يَا أَيُّهَا الَّذِينَ آَمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ﴾

Аллаhкъа хамд олсун, О бизге ярдым ве бизни афу этсин деп, Ду’а япамыз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъий ёлны берди, ич кимсе оны бу ёлдан айырмаз. Амма кимге Аллаh Акъикъий ёлны бермеди, ич кимсе оны къорчаламаз. Шаhадет этем, Аллаhтан башкъа Иляh ёкъ, Онынъ ортагъы ёкъ ве Мухаммад Аллаhнынъ къулу ве Пейгъамбери. Бизим Пейгъамберимизге ве башкъа эписи Пейгъамберлерге саллят ве селям олсун.

Аллаhнынъ къуллары! Такъвалы олмагъа эпинъизни давет этем

Саляуат – бу Аллаh Пейгъамбер Мухаммад ‘алейhиссалямгъа шереф багъышласын деп, Аллаhкъа риджа!

Селям ве Саляуат Санъа! Эй, темиз-пак инсан!

Селям ве Саляуат Санъа! Эй, акъикъатнынъ нуруны корьгенлернинъ къуванчы!

Селям ве Саляуат Санъа! Эй, айры бир утанчакълы ве алчакъ гонъюлли инсан!

Селям ве Саляуат Санъа! Минберлернинъ магърурлыгъы!

Селям ве Саляуат мусульманларгъа Ахиретте шефаат бергенге!

Юдже Аллаh Къур‘анда буюрды, манасы: «Аллаhкъа инангъан къулларына айт: «Аллаh берген джезадан къоркъунъыз! Бу дюньяда яхшылыкъ япкъанларгъа мукяфат азырлангъан. Аллаh яраткъан ер – кенъдир. Керчектен де, сабыр эткенлерге оларнынъ ихсаны толусынен бериледжек ве оларгъа буюк мукяфат оладжакъ, онынъ сайысыны тек Аллаh биле.»

Биз Пейгъамбер Мухаммад ‘алейhиссалямнынъ адларыны айттыкъ ве оны макътамакънынъ къыйметини косьтердик. Пейгъамберимизге Саляуат кетирмек ве Аллаh онъа даа чокъ шереф багъышласын деп, риджа этмекнинъ чокъ хайыры бар.

Сайгъылы мусульманлар! Инша-Аллаh, бугуньки хутбемиз Пейгъамберимизнинъ буюк сабыры акъкъында оладжакъ. Бизим севгили Пейгъамберимиз сабырлы эди ве Ислямны даркъаткъанда расткельген къыйынлыкълардан кереги киби кечти. Ве Пейгъамберимизнинъ эмджеси Абу Толиб ольген сонъ къурейш къабиленинъ мушриклери Пейгъамберимизге зарар кетирмеге башладылар. Чюнки энди севгили Пейгъамберимизни къорчаламагъа ич кимсе олмагъаныны зан эттилер.

Къурешитлерден бир дели кяфир инсан Пейгъамберимизнинъ башыны тознен кирлетти ве о бойле алда эвине кирди. Пейгъамберимизнинъ къызларындан бириси онынъ янына келип, мубарек башыны ювмагъа башлады ве агълады. Амма Пейгъамбер Мухаммад ‘алейhиссалям онъа деди:

لاَ تَبْكِي يَا بُنَيَّةُ فَإِنَّ اللهَ مَانِعٌ أَبَاكِ" أَيْ حَافِظٌ أَبَاكِ

«Агълама балачыгъым, Аллаh мени къорчалай!»

Бир кере Абу Джаhль бойле айтты: «Мен ярын Мухаммадны агъыр ташнен бекледжем ве о намаз къылгъанда седждеге баргъанда бу ташнен онынъ башыны урып яраджам.»

Келеджек куню о балабан ташны алып, Пейгъамбер Мухаммад ‘алейhиссалямны беклеп турды. Бизим севгили Пейгъамберимиз Мухаммад ‘алейhиссалям намаз къылмагъа башлады, шу вакъытта Абу Джаhль ташнен Пейгъамберимизге якъынлашмагъа башлады. О яратылгъанлардан энъ яхшысына ве бизим севгили Пейгъамберимизге якъынлашмагъа башлады. Апансыздан, Абу Джаhль къачып кетти. О чырайсыз ве мушкюль алда къайтты, онынъ авучлары дымлы олды ве о ташны атты. Ондан сонъ онынъ янына къурейш къабиленинъ инсанлары кельдилер ве сорадылар: «Не олды санъа, эй, Абаль-Хакям?» О бойле джевап берди: «Мен айткъан сёзлеримни ерине кетирмек ичюн Мухаммад янына якъынлашмагъа башладым. Ве шу вакъытта мени къоркъуткъан бир шей корьдим. Пейгъамбер Мухаммад ‘алейhиссалям, бу Джабраиль олгъаныны айтты ве эгер Абу Джаhль Пейгъамберимизге даа якъын кельген олса, Джабраиль оны ёкъ этер эди.

Пейгъамбер Мухаммад ‘алейhиссалям Таиф шеэрининъ сакинлери Ислям даветини къабул этеджек умютинен кетти. Онен берабер Зайд ибн Аль-Харис де бар эди ве олар бу шеэрде он кунь олдылар. Пейгъамбер Мухаммад ‘алейhиссалям ерли джемиетнинъ эр башлыгъыны зиярет этти, амма олар онынъ даветини къабул этмедилер, аксине, олар инсанларны Пейгъамберимизге зарар кетирмеге чагъырдылар. Олар ёл янында отурып, Пейгъамберимизни бекледилер. Пейгъамберимиз ёл бою кеткенде олар онъа ташларны атмагъа башладылар, бу ташлар Пейгъамберимизнинъ аякъларыны яраладылар ве къан акъмагъа башлады. Зайд ибн Аль-Харис исе Пейгъамберимизни озюнен къапатты. Амма бир таш Зайд ибн Аль-Хариснинъ башыны яралады ве Пейгъамберимиз отурып, бойле деди:

"اللَّهُمَّ إِلَيْكَ أَشْكُو ضِعْفَ قَوِّتِي وَقِلَّةَ حِيلَتِي وَهَوَانِي عَلَى النَّاسِ يَا أَرْحَمَ الرَّاحِمِينَ أَنْتَ رَبُّ الْمُسْتَضْعَفِينَ..." إِلَى أَنْ قَالَ r: "إِنْ لَمْ يَكُنْ بِكَ غَضَبٌ عَلَيَّ فَلاَ أُبَالِي" الْحَدِيثُ.

«Аллаhым! Мен санъа хитап этем, чюнки кучюм къалмады. Икмет де къалмады. Инсанларнен насыл лаф этмеге энди бильмейим. Эй, Мерхаметли Аллаhым! Эр шейни яраткъан Раббим! Мазлумларгъа ве кучьсюзлерге ярдым эткен Аллаhым, меним ичюн энъ муим олгъаны – Сен меним япкъаныма разысынъ. Онынъ ичюн башкъа шейлерге мен къасевет этмейим.»

Шубесиз ки, онынъ айткъан сёзлеринде шу вакъиагъа чорланув ёкъ эди ве о бойле сынавгъа ич шикяет этмеди. Бу бизим Пейгъамбердир.

Аллаh онъа Джабраильни ве дагълар Мелекни ёллады. Джабраиль бойле деди: «Эгер истесенъ, мен Меккедеки эки дагъны чевирип, оларны эзерим.» Пейгъамбер Мухаммад ‘алейhиссалям бойле джевап берди:

"لاَ، أَرْجُو أَنْ يُخْرِجَ اللهُ مِنْ أَصْلاَبِهِمْ مَنْ يَعْبُدُ اللهَ".

 «Ёкъ, оларнынъ несиллеринден мусульман олсун деп, Аллаhкъа Ду‘а этем.»

Пейгъамбер Мухаммад ‘алейhиссалямнынъ огълу Ибраhим вефат эткенде Пейгъамберимизнинъ козьлеринден яшлар акъты. Буны корьген ‘Абдур-Рахман ибн ‘Ауф бойле деди: «Эй, Аллаhнынъ Ресули, сен де агълайсынъмы?» Пейгъамбер Мухаммад ‘алейhиссалям бойле айтты: «Эй, ибн ‘Ауф, керчектен де, бу Рахметтир!»

Ондан сонъ Пейгъамберимиз бойле деди: «Акъикъатен, козьлеринде яш, юреклерде гъам. Ве биз ярамай ич бир шей айтмаймыз. Биз тек Аллаh разы олгъан сёзлерни айтамыз. Керчектен де, биз сенден айырылышкъанымыз ичюн кедерленемиз, эй, Ибраhим!»

Усама ибн Зайд риваетинде бойле дениле: «Пейгъамбер Мухаммад ‘алейhиссалямнынъ къызынынъ огълу вефат эткен сонъ, о Пейгъамберимиз кельсин деп, онъа адамларнен хабер ёллады. Пейгъамберимиз онъа селям ёллады ве бойле айтты: «Эр шей Аллаhнынъдыр. О бизге багъышлагъан ве биз джойгъан шейлер де Аллаhнынъдыр. Ве дюньяда эр шейнинъ сонъу бар, онынъ ичюн сабыр этинъиз ве сынавлардан кереги киби кечинъиз.»

Урьметли мусульманлар! Биз ичюн энъ яхшы ибрет севимли Пейгъамберимиз Мухаммад ‘алейhиссалям олсун. Ве сизнен беля, яманлыкъ я да дерт олса биле, сабыр этинъиз. Аллаhнынъ эмирлерини япмагъа девам этинъиз ве ибадетлерни къалдырманъыз. Бойле айтынъыз: «Мен Аллаhкъа эр шейде умют ве тевеккюль этем, Аллаhтан башкъа Иляh екъ ве О, къоджаман Аль-‘Аршнынъ Раббиси.» Ве ич бир вакъыт Аллаhнынъ къанунларына, берген такъдирине чорланманъыз. Керчектен де, эр шей Аллаhтан ве Онынъдыр. Эр кес Аллаh яраткъан кяинатта яшай ве эр кес Аллаh берген рызыкъны ашай. Сизден ич бириси бир ань иле Аллаhнынъ ярдымы олмаса, яшап оламаз.

Аллаhнынъ эмирлерини кутьмек ичюн Яратыджы бизге сабыр багъышласын деп, Ду‘а этемиз. Аллаh бизни О, багъышлагъан ниметлерден ве берген такъдирден разы олгъанлардан эйлесин. Аллаh бизим гуняхларымызны афу этсин деп, Онъа ялварамыз.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد