Центральное духовное управление мусульман - Таврический муфтият - Шейтангъа къаршы бирлешинъиз

Шейтангъа къаршы бирлешинъиз

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد﴾

Къудретли, Екяне Яратыджыгъа хамд олсун. Аллаh бутюн нокъсанлыкълардан мунезехтир, О Бир ве болюнмей. Аллаh догъмады ве догъурмады, О ич бир шейге ве ич кимсеге бенъземей. Аллаh мекянгъа ве вакъыткъа мухтадж дегиль, О Эбедий ве Сонъсуздыр.

Юдже Аллаh Пейгъамбер Мухаммад ‘алейhиссалямгъа даа чокъ шереф ве улулыкъ багъышласын. Бизим Пейгъамберимге ве башкъа бутюн Пейгъамберлерге салят ве селям олсун! Эм де Пейгъамбер Мухаммад ‘алейhиссалямнынъ апайларына, онынъ мусульман сойларына ве несилине де селям олсун! Аллаh эренлерге ве такъвалы Пейгъамбернинъ девамджыларына рахмет багъышласын деп, Ду‘а этемиз.

Эр кесни такъвалы олмагъа давет этем! Шари‘атны кутюнъиз ве гуняхларны япманъыз. Бири-биринъизге яхшылыкъны япмагъа ярдым этинъиз.

Мукъаддес Къур΄анда («Аль-Худжурат» Суреси, 10 Аети) бойле айтыла,

﴿إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللهَ لَعَلَّكُمْ تُرْحَمُونَ﴾

манасы: «Керчектен де, мусульманлар – къардашлар. Онынъ ичюн къардашларны барыштырынъыз, бири-биринъизге яхшылыкъ япынъыз, такъвалы олунъыз ве сизге Аллаhнынъ Мерхамети олур».

Пейгъамбер Мухаммад, ‘алейhиссалям деди:

"الدِّينُ النَّصِيحَةُ"

манасы: «Дин – самимиетни косьтермектир».

Биз сорадыкъ: «Кимге къаршы?» О деди:

"لِلَّهِ، وَلِكِتَابِهِ، وَلِرَسُولِهِ، وَلِأَئِمَّةِ الْمُسْلِمِينَ وَعَامَّتِهِمْ"

манасы: «Бу Аллаhкъа, Онынъ Китапларына ве Пейгъамберине иман. Имамларгъа къол тутув ве бойсунув эм де мусульманларгъа яхшы мунасебетте олув».

Джарир ибн ‘Абдуллаh, Аллаh ондан разы олсун, деди:

"بَايَعْتُ رَسُولَ اللهِ صَلَّى اللهُ عَلَيْهِ وَسَلَّمَ عَلَى إِقَامِ الصَّلاَةِ وَإِيتَاءِ الزَّكَاةِ وَالنُّصْحِ لِكُلِّ مُسْلِمٍ"

манасы: «Мен Аллаhнынъ Ресулине ант эттим ве намазларымы къылмагъа, зекят бермеге эм де мусульманларнен самимий олмагъа ваде бердим».

Имам Ар-Рифа‘ий, Аллаh ондан разы олсун, деди:

"حَارِبُواْ الشَّيْطَانَ بِبَعْضِكُمْ، بِنَصِيحَةِ بَعْضِكُمْ، بِخُلُقِ بَعْضِكُمْ، بِحَالِ بَعْضِكُمْ، بِقَالِ بَعْضِكُمْ"

манасы:«Шейтаннен берабер олып курешинъиз, бири-биринъизге имкетли тевсиелер беринъиз, такъвалыкъта орьнек олунъыз ве гузель сезлерни айтынъыз».

Мумин къардашынъыз не къадар хата япса да, башкъаларнынъ дикъкъатларыны джельп этмейип, онынъ хатасыны незакетнен догъуртынъыз. Ве эгер шейтан сизни башкъа мусульманнынъ аркъасындан онынъ эксиклерини айтмагъа тартса, онъа уйманъыз. Эгер сиз бильсенъиз ки, мусульман къардашынъыз насылдыр сынавлардан кечип оламады ве гунях япып, белягъа огърады, оны къалдырманъыз ве ярдымгъа ашыкъынъыз, онъа самимий ве яхшы тевсие беринъиз, лякин оны маскъара этменъиз, устюнден кульменъиз.

Сайгъылы дин къардашлар! Эр кес озюнден сорасын: «Насыл дереджеде мен самимийим, диндарым, гонълю ачыкъ инсаным?», «Озюмни алып барувым Ислям диниме ляйыкъмы?»

Мусульман достунъызгъа шейтанны енъмеге ярдым этинъиз. Мусульмангъа шейтангъа уймагъа ярдымджы олманъыз.

Пейгъамбер Мухаммад, ‘алейhиссалям деди:

"الْمُؤْمِنُ مِرْءَاةُ أَخِيهِ الْمُؤْمِنِ"

манасы: «Мусульман озь дин къардашына кузьгю кибидир». Бу Хадисни имам Абу Дауд ривает этти. Биз озюмизни тертипке кетирмек ве бегенмеген шейни догъуртмакъ ичюн кузьгюге бакъмаймызмы?

Исраиль эдждатларнынъ кяфирлери акъкъында «Аль-Ма`ида» Суресинде, 79 Аетте бойле айтыла,

﴿كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ﴾

манасы: «Олар бири-бирини ясакълангъан амеллерден, гуняхлардан къорчаламадылар. Оларнынъ япкъанлары фенадыр!»

Чокъ халкълар озь джемаатында гунях япылмасына къаршы чыкъмагъанлары ичюн белягъа огърайлар. Озюни ве башкъаларны догъуртмакъ ичюн, биринджиден, диний бильгилер олмакъ керек. Мытлакъа, Шари‘атны бильмек керек. Чюнки тек динимизни билип, арамны элялдан, акъикъатны янълыштан айыра билемиз. Тек дин бильгилер башкъаларгъа догъру ве вакъытында берильген тевсиелер ярдым этмеге имкян берелер.

Урьметли мусульманлар! Озюнъизге суаль беринъиз: «Мен диний дерслерге бараммы? Мен керек олгъан диний бильгилерни огрендимми?»

Юдже Аллаh Къур`анда («Али ‘Имран» Суреси, 110 Ает) буюра,

﴿كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِوَتُؤْمِنُونَ بِاللهِ﴾

манасы: «Биз мусульманмыз, Пейгъамбер Мухаммад, ‘алейhиссалямнынъ девамджыларымыз, энъ яхшы умметтенмиз, фарзларны япмагъа давет этемиз, гунях япмагъа ясакълаймыз ве Аллаhкъа инанамыз».

Сайгъылы мусульманлар, Бир Яратыджынынъ къуллары! Билинъиз ки, чокъ шеэр ве мемлекетлер акъикъаткъа къапыларыны ачтылар, Ислям эдебини, ахлякъыны эшитип ве корип, адамлар Ислямны къабул эттилер. Пейгъамбер Мухаммад, ‘алейhиссалямдан орьнек алып, Шари‘аткъа коре озьлерини алып бардылар.

Яхшы сез – бу садакъа ве Пейгъамбер Мухаммад, ‘алейhиссалям буны чокъ хатырлата эди. Тек яхшы сёзлер айтылсын ве япкъан ишлеринъиз Шари‘аткъа уйсын.

Омюримизнинъ энъ муими – бу Аллаhнынъ Къанунларыны кутьмектир. Тири ве Эбедий Аллаhкъа умют кесменъиз. Бири-биринъизге шейтандан курешмеге ярдым этинъиз. Озь ве сиз ичюн Аллаhтан афу сорайым.

هَذَا وَأَسْتَغْفِرُ اللَّهَ لِي وَلَكُمْ

______________________________________________________________

الْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى نَبِيِّهِ الْكَرِيمِ وَعَلَى ءَالِهِ وَأَصْحَابِهِ الطَّيِّبِينَ الطَّاهِرِينَ، عِبَادَ اللهِ أُوصِيكُمْ وَنَفْسِيَ بِتَقْوَى اللهِ الْعَظِيمِ

قال الله تعالى ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات